21 лістапада навучэнцы нашай школы наведалі Музей выратаваных мастацкіх каштоўнасцяў. Гэта адзіны ў Беларусі музей, уся экспазіцыя якога складаецца з твораў мастацтва і прадметаў антыкварыяту, канфіскаваных мытнікамі пры спробе незаконнага вывазу іх за мяжу.
У межах навучальных экскурсій, запланаваных на 2023-2024 навучальны год, вучні 7 і 10 класаў Кіселявецкай СШ пабывалі ў музеі "Выратаваныя мастацкія каштоўнасці" г. Брэста. Самай захапляльнай была калекцыя рускага іканапісу XVl- пачатку XX стагоддзяў. Таксама незабыўны след пакінула калекцыя фарфору і пейзажная галерэя Айвазоўскага. Увогуле, наведванне музея пакінула незабыўны след у памяці кожнага вучня.
