Галоўная мэта свята – захаванне і падтрымка нацыянальных моў і культур, а таксама забеспячэнне права кожнага грамадзяніна карыстацца роднай мовай. З нагоды свята былі праведзены ў нашай школе розныя мерапрыемствы: музычна-паэтычны час "Беларускай мовы рысы непаўторныя", сяброўская сустрэча са школай мастацтваў "Гучы, роднае слова!", акцыя "Роднае слова ў роднай вёсцы", сустрэча з паэтэсай Кобрыншчыны Надзеяй Момлік.

Сумеснае мерапрыемства прайшло ў дзіцячым садку, а потым і ў сярэдняй школе. Вучні пачатковых класаў праінсцэніравалі, прачыталі вершы пісьменніцы, а настаўнікі праспявалі некаторыя з іх. Надзея Іванаўна падышла да сустрэчы крэатыўна: загадвала загадкі і частавала цукеркамі з чароўнай скарбонкі.  Дыялог атрымаўся цёплам,  шчырам і змястоўным. На працягу ўсяго дня  гучала роднае слова.

Разам з нашымі настаўнікамі пачыталі вершы на розных мовах і нават выканалі вядомую песню Рамсула Гамзатава "Жураўлі" ў перакладзе на беларускую мову.

Любіце і шануйце, як святыню, роднае слова, з якім вас літасцівы Бог на свет пусціў.

© Францыск Скарына