На календары ўжо вясна! І гэты цудоўны перыяд пачынаецца жаночым святам. Напярэдадні 8 сакавіка ў шосты школьны дзень з вучнямі 5-6 класаў прайшло свята “Дазволь, жанчына, у ногі пакланіцца…”
У час правядзення мерапрыемства прагучала шмат вершаў і песень пра дзяўчынак, маладых дзяўчат і жанчын, якія ахопліваюць увесь перыяд жаночага жыцця. Творы Янкі Сіпакова, Яўгена Міклашэўскага, Веры Вябры, Сяргея Грахоўскага, Пімена Панчанкі, Юрася Свіркі закранулі дзіцячыя пачуцці і перажыванні. Праслуханыя песні “Беларусачка”, “Зачараваная мая”, “Калыханка маме” ўскалыхнулі жаданні павішаваць усіх жанчын у нашай вёсцы. Таму у канцы мерапрыемства прайшоў майстар-клас па вырабу святочных падарункаў, якія вучні забралі з сабою, каб павіншаваць блізкіх ім жанчын.
Святочнае мерапрыемства прайшло пазітыўна і радасна. Усе ўдзельнікі з падарункамі вярталіся дадому.
