Усім вядома, што 2016 год указам Прэзідэнта аб’яўлены Годам культуры. Таму ў школе мэтанакіравана праводзяцца мерапрыемствы, прысвечаныя беларускаму мастацтву і літаратуры.
Напярэдадні дня нараджэння Уладзіміра Караткевіча, вядомага класіка беларускай літаратуры, 25 лістапада быў арганізаваны прагляд дакументальнага фільма “Уладзімір Караткевіч. Душа застанецца”. Вучні старэйшых класаў мелі магчымасць больш даведацца пра лёс і творчасць пісьменніка, а пасля прагляду фільма, які быў прапанаваны кінатэатрам “Вясёлка”, праверыць свае веды ў віктарыне “Самы ўважлівы”.