Не выключэннем стала і гэтая субота, калі старшакласнікі сабраліся на лінгвістычна- творчы турнір "Па зярнятках таленты збіраем". Кемлівасць, творчы азарт, спрыт, а самае галоўнае - свае веды і эрудыцыю змаглі прадэманстраваць тыя падлеткі, каму родная мова і літаратура сталі добрымі спадарожнікамі ў вучобе і жыцці. Не толькі размаўляць на беларускай мове, але і спяваць умеюць нашы хлопцы і дзяўчаты.

"Мова раскрывае нашы таленты", - такім стаў дэвіз сустрэчы на гэты раз. І няхай гэта толькі маленькія зярняткі таленту, але з зернейка ўзрастае вялікі і дужы колас, якім стане кожны з падлеткаў, каб прынесці карысць сваёй краіне ў будучыні!