Наша школа не абышла стараной гэты дзень. Дзень роднай мовы прайшоў пад назвай “Чытаем, спяваем, і размаўляем”. Ужо напярэдадні свята класнымі кіраўнікамі былі праведзены інфармацыйныя гадзіны, прысвечаныя гэтай даце, у школьнай бібліятэцы наладжана выстава кніг” Як ты дорага нам, родная мова!”

21 лютага амаль уся школа і дзіцячы садок далучыліся да святкавання праз інтэлектуальную гульню “Лабірынты ронай мовы”, моўны турнір “Знаўцы беларускай мовы”, чытанні вершаваных твораў, наведванне школьнага музея, выказванні-пажаданні “Падабайкі роднай мове”. Акрамя таго вучні атрымалі магчымасць далучыцца да беларускага слова праз выкананне беларускіх песень пад акампанімент вучаніцы 9 класа Анастасіі Сілік на гітары.

На працягу ўсяго дня многім давялося паўдзельнічаць у акцыі “Рускай мове дай разгрузку — размаўляй па-беларуску”, чэленджы ”Гучы, слова!”, паказаўшы моўны спрыт і эрудыцыю, узровень валодання роднай мовай.

Атрымалася весела і цікава. А ўсе праведзеныя мерапрыемствы садзейнічалі актывізацыі пазнавальнай дзейнасці і развіццю маўленчай культуры вучняў.