Напярэдаднi правядзення Тыдня, 16 верасня 2022 года, арганізаваны рэспубліканскi дыктант, прымеркаваны да Дня народнага адзінства. Не абышла гэтая падзея і нашу школу. Падчас правядзення Тыдня беларускай мовы вучні далучыліся да спрадвечных крыніц моўнай спадчыны, прыняўшы ўдзел у акцыі “Размаўляй са мной па-беларуску”, прэзентацыі віншавальных паштовак “Пажаданні роднай мове”, стварэнні калажу “Ветлівыя словы роднай мовы”. На працягу ўсяго тыдня ў бібліятэцы працавала выстава-прэзентацыя “Сучасныя беларускія аўтары”, у файе была арганізавана адкрытая гульня-віктарына “Вывучаем мову разам”, дзе вучні прымалі актыўны ўдзел. Актыўна прайшла гульня-віктарына “З гісторыі беларускага слова” і “Скарбы роднага слова” сярод вучня 7-8 класаў. Конкурс малюнкаў, які быў арганізаваны з вучнямі 5-9 класаў, таксама актыўна захапіў дзяцей, і напрыканцы тыдня былі падведзены вынікі і выбраны пераможцы. Дзіцячы сад правёў сваё мерапрыемства “У госці да Васілінкі”, дзе маленькія беларусы пазнаёміліся з традыцыямі і культурай нашага народа.
Падчас мерапрыемстваў было выказана шмат добрых слоў з пажаданнямі роднай мове квітнець і ўзбагачацца, захоўвацца такой жа чыстай, звонкай і мілагучнай.